Ka result yalehke ha pyrdi ka J United wa ka Beginners

Jowai: Ka 3^rd Round ka 1^st Evening Super 4 Football Tournament wa pynman da ka Sports and Youth Affairs Committee, Chutwakhu Social Welfare Local Dorbar dang lai ko cha khmat. Ynnin ka 19 tarik da pynman ya ka yakhun ha pyrdi ka Beginners waka J United.

Kani toh ka yalehke wa ar yong ka 3^rd Round heiwa ka yalehke man ko kawa ya khaaid bha heiwa ha ka kylla step ka J United da yoh ko u thap chwa ha ka minit wa 13 lyngba u Dame Dkhar. Hadien 4 minit ka Beginners won da ye ko u su kylliang ha ka minit wa 17 lyngba ka kool u Thrangki Oo Shylla.

Ka kylla miet won da kut ko khlem em wa thap kool. kamtæ ya kiwa jop da rai da ka yachut Tie-Breaker.

Ha ka yachut wa mar 6 sien ka J United da jop ko da 3-2.