Jowai : Kam chi bynta i leh kmen hei yatoh wa ka sngi laitlooid ka ri India, ka office u DC ka West Jaiñtia Hills hei yakrehlang wa ka District Sports Office da pynman ki ya ka Open Debate Competition for School & Colleges ynne ka 10 Naisaphra ha District Library Auditorium, Mynthong.
Ya ka yakop yania næ ka debate da bhah ha ki ar kyrdan Junior wa Senior heiwa pynar da yania ki hajrong ka phang “After six decades of Independence India’s position on the worlds stage stand on the world stage.”
Ki khynnah skur na kylleiñ ka West Jaiñtia Hills da pynyoo ki yei sap yong ki hei wa da sai ki ya ki yei buit i budia yong ki yow pyhun ya kiwa bichaar hajrong kani ka phang heiwa ka ri India da man sakhiat ko kawa da ku da roi bha katwa kiwa pyrchah won da ong ki wa dang sah dien ko liang wanang.
Ha pynar ki bhah Junior wa Senior da rem kawa kyrchaan ya ka phang.
Ha ka Senior Level yei naam Best Speaker da yoh nyngkong da u Sandeep Siangshai na North Liberty Higher Secondary Jowai, wa ar cha u Freddy Nilson Dkhar na Thomas Jones Synod College Jowai katwa yei wa le won da yoh da ka Melary Singh na St.Marry Mazzarello Gilrs Higher Secondary School Jowai.
Ha ka Junior yei naam wa nyngkong da yoh da ka Aidamon Talang na North Liberty Higher Secondary school Jowai, wa ar u Patricle Synnah na North Liberty Higher Secondary Jowai katwa yei naam wa le won ka Emihun i Pakma na H.K.Singh Memorial Secondary School Jowai.
Discussion about this post