Ka pynsñiawthooh paidbah namo ka Awareness Programme hajrong ka Scheme DDU-GKY (Deen Dayal Upadhyaya Grameen Kaushalya Yojana) da pynman da ka DDU-GKY Cell West Jaiñtia Hills District ha waroh 3 tylli ki C&RD Block ka District ha Laskein Block, Thadlaskein Block wa ha Amlarem Block ha ka 27, 28 wa ka 30 tarik uni u bnai.
Ka DDU-GKY toh ka Scheme yong ka sorkar India kawa e sikai wa i pynyoh kreh namo ka Skill Training & Job Placement ya ki khynroo khyllood ki thaaiñ nongkyndong kiwa wan na ki manyung wa dooh wa duk. Kani ka Scheme toh kawa mynkna heiwa ym emkaam u su yaka bai Training, bai kot, bai sah waka bai Uniform. Ha kani ka Scheme em chiboon ki jait Training ha ki jait kaam waphær waphær.
Ha kani ka Awareness Program da wan ap da ki spah ngut ki paidbah nadooh ki waheh chnong, ki Secretary wa ki dkhot yong ki Self Help Group na kylleiñ ki chnong.
Ki Block Development Officer da man ki kam ki kongsan ha kini ki yalang pynsñiawthooh paidbah hei emlang u State Programme Manager, District Programme Manager, ki Block Coordinator yong ka DDU-GKY wa ki Mobilizer yong ki PIA.
Ki paidbah da pynsñiaw ki yei myntoi na kini ki Awareness Programme heiwa i rukom pynche da yoh ki hajrong kani ka Scheme lyngba i klam wei khamtam lyngba i pynyoo ya ki dur wa ki Video.
Da yoh leh yei klam na kiwa da dep yoh sikai wei kiwa da yoh myntoi na kani ka Scheme DDU-GKY kiwa da pynchlur leh ya kiwi wow wan chakhmat wow yoh myntoi na kani ka Scheme.
Discussion about this post