Jowai : I rep i riang man i kam u budloom kiwa boon ha ka ri India wei man ko leh ka khih kawa heiwon heiwon i por ka wow chah ktah ha ka rymaw kam nei duna um, joor slap, chlai um, wa kiwi kiwi.
Kamtæ yow yada ya kiwa rep nei doohnong u Montri Rangbah ka ri u Narendra Modi, ha ka 18 tarik u Thohlakhmi 2016 da sdang u ya ka Pradhan Mantri Fasal Bima Yojna (Prime Ministers’ Crop Insurance Scheme).
Hapoh kani ka Scheme kiwa rep hap su ki du 2% ya ki mar rep ki ha ki samoi lyiur iwa mut wa lada booh insurance T. 1 lak emkaam u su ki T. 2000 chisnem katwa ki jhoor wa rep heipor wa duna u slap ka um hap su ki du 1.5%. Katwa ya ki mar rep ki wow pyllai yaw hap su 5% chisnem.
Ya ka premium da pynhiar hadooh kat deini kam wow elaad ya kiwa rep yow booh insurance ki neibhah ha ki scheme warim kiwa rep duk ki u su hadooh 15% ka premium.
Kiwa rep na Ri-loom Jaiñtia ynne ka sngi 2 tarik ka KVK Jaiñtia Hills da mynman ki ya ka Farmers’ Fair and Awareness Program hajrong ka phang Pradhan Mantri Fasal Bima Yojna kawa da wan wai da u MP ka Shillong u ma Vincent H Pala kawa da man ha Chutwakhu Community Hall, Jowai.
Ha kani ka Iaw da em 123 ngut kiwa rep kam na ka chnong Umjalasiaw, Saphai, Sohmynting, Lumkudeng, wa kiwi kiwi.
Uwi u scientist na ka ICAR u Amol Bhalerao da ong u wa kamwa emkaam u booh insurance ya ki kari, ki mar rep leh man ki kiwa emkaam tæ emkaam u booh insurance ya ki mar rep weiwa kini ki thaw mihsngi man ki kiwa miat bha wow rep tæ emkaam u em insurance ki.
Hadien wa da kut ka bynta wa nyngkong kiwa rep da chah sikai ki na ki sahep ka tnat Agriculture, Horticulture, wa kiwi kiwi heiwa da sikai kammon u kam ya ka insurance, u pynsakhiat yeiwa da kam ki, wei ka poisa daw su 90% na ka sorkar bei katwa 10% na ka sorkar jylla.
Ka Scheme u man ko hapoh i pyllai ka Ministry of Agriculture and Farmers’ Welfare, Government of India.
Discussion about this post