Ka Scheme pyndooh khon ya ki kynthai wa chynrang

Jowai : Ka ri India toh ka ri wa ar hei boon bru dooh na ki ri hapoh pyrthai wei na ki por cha ki por da pyrchang ka sorkar u pynduna yei boon bru hapoh yong ka.

Hei yatoh weini ka office yong u DM&HO, ka West Jaiñtia Hills ynne ka sngi ha pchem ka Dr. Norman Tunnel Hospital da pynman ki ya ka yalang paidbah yow pynbna yei wa sdang ya ka scheme Pradhan Mantri Surakshit Matritva Abhiyan (PMSMA) kamjooh ya ka Population Stabilization Fortnight.

Ka PMSMA toh ka scheme ya ki kynthai wa punkhon kawa e i sumaar mynkna man ka 9 tarik u bnai yow duna i yap ki khonboo heipor wa kha.  Yeini sumaar mynkna toh ye u yoh ha waroh ki thaw sumaar sorkar nadooh ki hospital, CHC wa ki PHC.

Ka Population Stabalization Fortnight won toh i pyrchang ka sorkar wow pynbiang ya ki dawai kamjooh yei sumaar pyndooh khon ya ki chynrang wa kynthai. Ya ki dawai pyndooh khon wa chipor ye u yoh na waroh ki CHC wa PHC kamjooh leh ya u tiar wa tip kam u Cooper T uwa ye u thap hapoh yong ka kynthai yow lait ko u punkhon.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Katwa yei sumaar pyndooh khon chi rta won ye ki paidbah u lai cha ki Hospital kam ha Dr. Norman Tunnel wa ha Civil Hospital iwa ye u leh ar jait iwi dei pooid wei iwi won khlem pooid lyngba ka Laprascopy. Yeini i sumaar man i iwa mynkna ya kiwa em ya ka MHIS Card katwa ya kiwa ym em MHIS card man i iwa da duna dor.

Ya ki chynrang won kiwa kwah pyndooh khon won ye ki u leh da ka Non Scalpel Vasectomy kawa ym emkaam u pooid ha Nartiang CHC. Waroh kini ki jait sumaar toh kiwa smat bha u pyndep wei kiwa chah sumaar ye ki u liwan pyn ha ka jooh hi ka sngi.

Ya ini i sumaar u pynman ya ki ha kini ki ar taywa donhi.

Ka Dr. V.J. Laloo, DMCHO ong ko wa ya ki kynthai emkaam ki ym duna ya ar snem hadien wa dep ki u kha khon yow hoi u kha biang ki sa chsien kamtæ ya ki dawai wa ki tiar pyndooh khon chipor toh ym hoi u sarom ki u pynemkaam ya ki. Da ong ko leh wa katkam ka census 2011 ka jylla Meghalaya man ko leh ka jylla kawa smat boon bru bha lada wyrchaw wa kiwi tawan ki jylla.

U ma S.C. Lalooo ADC, West Jaiñtia Hills kam u kongsan ha kani ka sngi ong u wa emkaam bha u pyrkhat wa hadooh katwon ngut u kha khon neibhah ha ka pyrthai katni kiwa boon khon chem ki boon i chitom nadooh wow psa khon, thaw sah wei kamjooh u pynbiang ya ka mynried ki khon ki kti khmatam ha ka puræ puthi.

Yow sñaiwthooh ki paidbah ya ki dawai, condom wa u Copper-T da pynyoo cha ki paidbah ya ki da ka kong T.M Suna.