Ka Scholarship ya kiwa dooh wa boon ym pu tip ka

Jowai : U Director of School Education & Literacy, Meghalaya, Shillong, u A. Ch. Marak da pyntip u wa em ka Scholarship ya ki khynnah wa wan na ki yung wa dooh wa duk kawa e da ka SMART Charitable Trust Meghalaya hei ya krehlang wa ka Education Department, Government of Meghalaya.

Ya kani ka Scholarship toh ka wa e hei pyrtuid yong ka tynde Yamuna Naik (Retired Primary School Teacher) kawa man leh ka bei yong u P. Naik, IAS (Retd) uwa jooh man kam u Additional Chief Secretary, Urban Affairs ka jylla.

Ya kani ka Scholarship daw e cha 15 ngut ki khynnah wa leh bha ha ka SSLC wa dang dep wei toh u yoh ki hadooh 80% ki marks kawa poi T. 7,000 samen.

Kiwa kwah ya kani ka scholarship toh u man kiwa sah hapoh ka Meghalaya wei toh u man ki na ki yung wa em ha ka BPL kiwa em pyrtuid ha ka National Food Security Act.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ki kyndon wa emkaam toh u pynsakhiat ya kiwa chah jied toh u em ki hapoh ka Reserved Category, kiwa sah cha ki chnong nongkyndong wa kiwa man kiwa smat wa stiñ wa jooh chimbynta ha ki sports, debate wa kiwi kiwi (Extracurricular Activities) ha ka skur wa kamjooh wa ha kiwi ki kyrdan.

Kiwa kwah u apply ya kani ka scholarship ye ki u yoh ya ki form na htttp://www.megeducation.gov.in/dsel/ namo deiwa lai na ki ophis ka DSEO wa em ha waroh ki district.

Ka tarik wa khaddooh wow pynpoi ya ki from wa da dep pyndap ha ki office DSEO toh ha ka 20.09.16