Shillong: Ka Legal Care and Support Centre, Department of Law, North Eastern Hills University, Shillong chirup wa ka Meghalaya Legal Services Authority ynne da pynman ki ya ka Webinar hajrong ka Human Rights Day ha Shillong kam chibynta yong ka Human Rights Day 2020.
U NA Khan, District and Sessions Judge kamjooh u Member Secretary, Meghalaya State Legal Services Authority da e u ya ki kyntien lamphrang katwa ka Angel Habamon Syiem, Assistant Professor, Department of Law, Tezpur University wa ka Badapbiang Tariang Dkhar, Assistant Professor, Jindal Global Law School da man ki kam ki bru chemphang.
U Khan hawa e i klam da ong u wa ka Human Rights namo ka hok manbru toh i hok iwa da yoh nadooh wa kha khlem pait lada chynrang, kynthai, ka niam, jaitbru wa kiwi kiwi.
Da ong u wa ka Human Rights Day, toh i por wow ngam yillu heiwa kammon u yada, u pynneh ya i hok ki bru wei lada ym tip i yei hok yong i daw ktah i ya ki bru ha ka pyrthai waroh kawi.
Da pyntip u leh wa ka State Legal Services Authority (SLSA) smat ko wow yarap ya kiwon kiwon ki bru wei wow pynche lada em i artatien hajrong ki kaam aiñ.
Ha kani ka sngi da ngam yillu leh hajrong ka phang “Pandemic and Human Rights” wa “Human Rights and Indigenous Peoples”.
