Jowai : Ynne ka sngi ka Land Committee yong ka Seiñraij, Jowai da leh warom ko yaka sngi World Environment Day deiwa thung dieñ ha Mooralong heiwa ka kong Nimanbha Laloo, DFO da man ko kam ka kongsan.
Heini i thaw da thung 100 tylli ki tre dieñ da ki khon ka seiñ wei kamjooh leh ki dkhot ka Land Committee.
Da em leh ka yalang hachwa u thung ya ki tre dieñ heiwa ka kong Laloo da pynkynmo ko cha waroh wa emlang wa ymhoi u pynwit ki ka ka rymaw deiwa rah cha yung ya kiwa yoosuk iwa miat wa em haka nadooh ki syntu wa ki sim ki doh neibhah ki emkaam kylliang ki iwi ya iwi yow ye ki u im kamwa da bynta ya ki u im ki.
Heijooh i por leh da ong ko wa ymtoh u chah pynbiej ha kiwa boon kam wow deiñ bniat hati wa kiwi ki bynta i doh i pran ki mrad wa boon wa jooh ngait wa embor jadu ki. Da ong ko leh toh u yait u sap ya ki sula wa ki that ki nep wa pynemkaam da i sniooh wa ki snieh mrad.
U Presient ka Seiñraij u ma OR Challam hei klam yong oo ong u wa katni ka raij lehwarom ko ya ka rymaw arsein chi snem, chisien deiwa thung ko yaki tre dieñ kam ynne ka sngi katwa kawi da leh ha ka sngi Thoh Langoh ka sngi ka wym hoi u pyntakha yaka bei rymaw iwa mut leh man i kam i kaam wow yada ya ka rymaw deiwa ym pam ym deiñ yaki dieñ.
Discussion about this post