Ka sngi wow sahkynmoo ya ka chnong Iooksi wa yoh madan ko na ka NEEPCO

Jowai: Ynne ka sngi da man ko kawa sahkynmoo ya ka chnong Iooksi waroh kawi neidaw wa ka yungkrehkaam ka NEEPCO KHEP Umrongso da wan wai paidbah ko ya ka madan yalehbol ka chnong Iooksi, Iapkhla.

Kam wow pynkynmoo wa ya kani ka madan da yarap chna da ka NEEPCO lyngba ka CSR&S Scheme 2015-16 wa 2016-18 ha ki arbynta (Phase) heiwa haka Phase 1 da e T. 4,96,058 wow pynmadan ya ka thaw wei haka Phase 2 won da chna ya ka thaw chong ki paidbah (Sitting Gallery) hei dor T. 15,75048.

Ha kani ka wai paidbah ya kani ka madan da wan wai pyrda ya u mot sah-kynmoo da u General Manager (Head Of Plant) ka NEEPCO KHEP Umrongso, Assam u Debotosh Bhattacharjee, u Asst. Administrative Officer HRD KHEP Umrongso u A. Sinha wa kiwi kiwi ki heh ka NEEPCO heiwa da em leh u waheh chnong ka Iooksi u Iapkhka u C. Tangliang, u Nehemayah Tyngkan, kiwa sikai skur, ki khynnah skur, ki dkhot wa kiwa yahkhmat ka KSU Iooksi Unit, ki dkhot ka IYWSC wa kiwi kiwi ki paidbah ka chnong Iooksi.

Ya kani ka yalang da pynlai da u Nangaibormi Sutnga uwa man kam u Finance Secy. ka KSU Jaiñtia Hills District Unit wei da yoh ya i klam na u Nehemayah Tyngkan, U General Manager ka NEEPCO wa u Waheh Chnong ka chnong.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

U Nehemayah Tyngkan hei klam yong oo da e khublei u ya ka NEEPCO kawa smat wow pynyoh ya ka Scheme wow pynbha ya ka madan bol haka chnong Iooksi wei da kyntu u leh ya ka NEEPCO wow yaleh ko wow pynyoh chooh chooh ya ki Scheme yarap ha ka chnong ha ki sngi wow wan. Da yaroh u leh ya ka KSU Iooksi Unit kawa da yaleh chitom wow lai paan yarap naka NEEPCO lyngba kani ka Scheme.

Neiliang u GM ka NEEPCO KHEP won da pynsñiaw u yei kmen wow yoo wa kani ka madan da wandur ko wei da miat bha ko deiwa ong “Nga dap O dei sñiawkmen wow yoo wa kani ka madan em ko hajan ka skur wow yoh myntoi ki khynnah,”.

Da pynrap u deiwa ong wa ka madan daw pynku ko ya ki khynroo khyllood ha ka yalehke Sport katwa ka skur won u e ko i stat ya ki khynnah.

Chooh chooh da ong u wa ka NEEPCO leh smat ko wow kreh ya neibynta ki kaam wa bha.

Neiliang u waheh chnong ka chnong Iooksi da e khublei u ya ka NEEPCO kawa da chna ya kani ka madan wei yei kreh dohyap ka KSU Iooksi Unit wow wanrah ya kani ka Scheme hapoh ka chnong neibynta ki khon ka chnong.