U Montri Rangbah ka Meghalaya, u Conrad K Sangma da ong u wa ka sorkar man ko kawa da pynkhreh yow yaklam yasuk waka Hynniewtrep National Liberation Council (HNLC) katkam ki kyndon wa da booh da ka Ministry of Home Affairs (HMA).
Da ong u wa ka sorkar Meghalaya da dep ko wow ong wa da em ki kyndon wa da booh da ka MHA kiwa da hap wow bood neibynta waroh ki seiñ manda yaklam yasuk wei ym ye wow lai cha palat kini wei lada sdang u pynkylla neibynta ki wi ar ki seiñ daw hap pynkylla leh neibynta waroh ki seiñ.
Chooh chooh da ong u wa ka sorkar ym pu em yoh ko iwon iwon i thoh naka HNLC, tangwa ka sorkar man ko kawa da pdiang u yaklam biang wei da kyntu u leh yaka HNLC wow pyrkhat ko deiwi yeiwa da dep rai ko neibhah wa kwah yei suk i saaiñ hapoh ka jylla.
Heiyatoh won yei dawa maap noh ya ki mukotduma wa da chah pynngat ka HNLC, da ong u wa ini chong ko ha ki jait mukotduma.
Kam wow pynkynmoo wa ka HNLC da khut ko ya u Prestone Tynsong yow wan yaklam ha i thaw wa da jied da ka hanla man i cha baar ri leh.
Discussion about this post