U montri rangbah ka jylla, u Conrad K. Sangma ynnin da wai u ya ka yung skur wa thymme ka Bajengdoba Higher Secondary School ha North Garo Hills hei emlang u Deputy Speaker ka Meghalaya Legislative Assembly, u Timothy D. Shira, u MLA ka Bajengdoba Pongseng Marak wa u MLA ka Kharkutta u Rupert Momin.
U Conrad hawa e yei klam da yaroh u ya waroh kiwa da embynta hei wow pynku kyrdan yei puræ puthi hapoh ka District deiwa ong leh wa i stat i tip man i ka bynta wa kongsan tam ha kani ka sorkar deiwa pynmiat ya ki skur kiwa em ha kylleiñ ka jylla.
Da pyntip u leh wa ka sorkar da pynkhreh ko hadooh kamwa T. 500 klur na ki yung krehkaam wa yatoh wa ki kaam poisa (Funding Agencies) wa na ka sorkar hi wow pynmiat wei pynku kyrdan ya ki LP School ha ka jylla.
Chooh chooh da pynrap u wa deiwa pynmiat yei man ki yung skur daw yarap bha ko ya ki khynnah kamjooh leh ya kiwa sikai.
Kani ka yung skur wa thymme ka Bajengdoba Higher Secondary School toh wa da yoh yarap poisa lyngba ka Supporting Human Capital Development Project in Meghalaya, kawa man ka Project yong ka Asian Development Bank (ADB) heiwa da em ha ka ki rukom esikai wa katkam ka juk wa katni, da em ki Computer Lab, ar tylli ki Smart Classroom wa kiwi kiwi.
