U Lat ka jylla Meghalaya, u Satya Pal Malik da ong u wa ka Meghalaya Residents Safety and Security Act, 2019 hadooh ynne dang em ko wa ka sorkar pyrdi, wei ym em de u yaklam u iwon iwon hajrong kani ka aiñ wa da mynjur da ka jylla.
Hawa klam ynne ka sngi wa ki kattu katni ngut kiwa pathai khubor, u Satya Pal Malik da ong u wa ymye de u wow klam iwon iwon iwon hajrong ka MRSSA neibhah wa u Lat wa chwa, u Tathagatha Roy da e yumut wei da phah u cha ka sorkar pyrdi wei katni ini i kaam sah i yong ka sorkar jylla wa ka sorkar pyrdi wow yaklam.
Hawa kylli hajrong ka Inner Line Permit (ILP) wa da mynjur leh da ka Resolution hapoh ka yung dorbar chna aiñ ka jylla, u Lat da ong u wa ya kani ka aiñ leh dang em ko ha ka sorkar pyrdi hadooh katni wow bichaar bniah ya ka.
