Ka sorkar kwah ko wa u Arunkumar u em bynta u ha ki kaam wa rap khroo: Conrad

Shillong: U Montri Rangbah ka jylla, u Conrad K Sangma da pynksan u ya i kyrriah kaam ya u Deputy Commissioner ka West Khasi Hills u Arunkumar Kembhavi, deiwa ong wa ka sorkar kwah ko wow chim u ya ka bynta kawa khroo neibhah wa oo da leh u chiboon wow kyntu kynrong ya ka District.

Hawa yaklam wa kiwa pathai khubor ynne ka sngi, u Conrad da ong u wa da yoh ya ka dorkhat na ki seiñ wa ki dhab waphær waphær kiwa kwah wow pynneh ya u Arunkumar tangwa neiliang ka sorkar haap pyrkhat ko ya iwa rap yaar deiwa kyntu leh ya ki paidbah wa ymtoh u tbian i rukom pyrkhat ki neibhah wa ka sorkar kwah ko wow em bynta u ha ki kaam wa rap khroo.

Da ong u wa sñiawthooh u yei sñiaw ki paidbah khamtam na West Khasi Hills hawa chah kyrriah kaam u Arunkumar wei ymtoh wow tbian i rukom pyrkhat ki.

Ya u Arunkumar da kyrriah ya oo na i kaam wa ksoh u kam u DC ka West Khasi wow chimkti noh u yei kaam kam u Registrar ka Cooperative Society.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025