Shillong: U montri ka kaam pohyung ka Meghalaya, u Lahkmen Rymbui da ong u wa toh i kamram yong ka sorkar wow yada na i khayi tooh lada ya u mooyong næ ya ki dieñ.
Hawa klam wa ki kattu katni ngut kiwa thoh khubor ynne ka sngi, dang ong u wa ym ye wow len wa em ka khayi tooh, tangwa neiliang ka sorkar da phah ko ya ki saphep sorkar wow man ki kiwa paitbniah wow yada na kini ki leh pyrchah yaka aiñ.
Da pyntip u wa ynnin ka sngi da kem ya soo ngut ki bru wa suba emkti ha ka kaam khayi tooh, deiwa pynsñiaw leh wa ka sorkar ym ye ko wow booh pulit ha waroh ki thaw neibhah kiwa leh ya ki kaam pyrchah yaka aiñ thooh ki ya ki laad wow yoh khayi laitlan.
Da ong chooh chooh wa i yoh kem ya 83 tylli ki trok kit mooyong na West Khasi Hills ha ka 19 tarik uni u bnai leh toh deiwa pyntip ki paidbah, deiwa pynrap chooh chooh wa ka sorkar da leh ko ya i kamram deiwa eh hawa yoh yutip wa em i leh pyrchah yaka aiñ.
Discussion about this post