Ka sorkar MDA hap ko wow pait yei sahdien ka jylla, ong u Dr. DD Lapang

U Montri Rangbah warim ka jylla, uwa man katni kam uwa e buit ka sorkar, u Dr. DD Lapang da ong u wa ki kaam wa yatoh waka aiñ da miat bha i katni hawa nujor wa kiwi ki snem. Da ong u wa hawa nujor wa ki snem wa da lai, da em boon ki kaam chah pynyap bru nadooh ki jaitbru ri-loom wei kini waroh da wiar ki katni.

Hawa kylli ya ki kaam pynbait pood, u Dr. DD Lapang da ban joor u yei emkaam wow pynbait noh ya ini i kaam iwa da sahteiñ da boon snem wei da emkaam i ya sñiawthooh hapyrdi ki ar tylli ki sorkar jylla deiwa theh lut yei bor yow pynbait noh ya u pood.

Heiyatoh won wa i krehkaam ka sorkar MDA-II wa yahkhmat da u Conrad K Sangma kam u Montri Rangbah, neiliang u Dr. Lapang da e buit u wa kani ka sorkar toh u pait ko ya ki kaam wa ktah ya kiwa em cha tre kiwa khian wa nai deiwa e nongmuna ya ki kaam wa yatoh wa i rep i riang kamjooh i sahdien ka jylla.

Heijooh i por da yaroh u ya ka NPP kam ka Party kawa da ye wow yaklam ya ki kaam wa ktah ya ka thaaiñ North East waroh kawi. Da ong u leh wa deiwa em ka NPP kiwa boon ki kaam wa ktah ya ka North East da yaklam bha ya ki katni heiwa nadooh ki Montri ka sorkar pyrdi leh da kreh ki yow pynku ya ki thaw wa em cha palatsor wei wow e kyrchaan yow pynku ya ki chnong wa em cha kdong cha chmiang.

Related posts

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025