Ka sorkar MDA phær ko na ka sorkar MUA-II ka Congress wa synchaar u Mukul samen: Prestone

Shillong: Hawa jubab kylla ya i klam u heh ka Congress, u Dr. Mukul Sangma, neiliang u Symbood Montri Rangbah, u Prestone Tynsong da ong u wa sñiaw phylla yeini i pynbaad deiwa ong u hawa u bru uwa yah ya ka kari ymye u wow yah luti haap chimkti da uwi tawon wow poi cha chiliang ka yingkieñ.

U Tynsong da kyntait u leh ya i em yatoh wa ki seiñ kieñ suloi, deiwa ong neidaw wym hoi wa i sñiaw heh u Mukul, da pynbaad wei da kyntait u yei em bynta u wa kawon kawon ka seiñ.

Da beiñ u leh ya u heh ka Congress deiwa pynbaad kylla wa man u u wym kwah ya ki dkhot ka HNLC wow uiñ biang cha ka luti wa biang.

Hajrong i ong u Dr. Mukul wa kani ka kaam yatoh ko wa ka Political Department ym ka kaam ka Home and Police Department, neiliang Tynsong da syllad kylla u deiwa ong wa kani ka sorkar MDA man ko kawa yakrehlang da waroh 12 ngut ki Montri wa kynthup u Montri Rangbah, ymtoh kam ka sorkar MUA-II wa yah ka Congress wa synchaar da u Mukul samen.