Ka sorkar ong ko ‘Financial Crisis’ tangwa yarap su Income Tax ya kiwa heh tulop

Da u F.R. Nonglait

Ka Meghalaya 4th Teachers Association (M4thTA) kawa em 1521 ngut kiwa sikai ha waroh kawi ka jylla Meghalaya da pynsñiaw ko yei lyngngoh yaka sorkar kawa jooh ong wa duna poisa (Financial Crisis). Ka Association da boonsien boonwat yachem ko wa u montri rangbah u Conrad Sangma kamjooh leh wa u montri ka chnat puræ puthi u Lahkmen Rymbui wow kyrpaad yei bhah wow pynku noh yei su ya ki 4th Teachers neibhah hadooh katni ki 4th Teachers yoh ki du T. 12,000 donhi chi bnai.

I emkaam wow pyndap toh ha waroh ki liang kiwa da ku dor lut, kammon u ye i u pynbiang pyndap ya i yung i sem da ka tulop wa du T. 12,000 donhi chi bnai. Katwa i rukom sikai yong ki 4th Teachers man i jooh kamwa sikai hi kiwi tawon kiwa sikai kiwa yoh yei su wa heh, lada ya wyrchaw won wa i su tulop ym yatoh næ yajan tang kajiak leh. Katwa i kyrdan won la hei pyndep ya ki Training man i i jooh wa da pyndep kiwi kiwa heh tulop.

Kiwa sikai 4th Teachers sñiaw sah khonswet ki neibhah ka sorkar ym jooh em e ko ya i kular wow pynku ko ya ka tulop neibhah yong i. Pynsmat pathan ko wow yarap su Income Tax yaki AIS Officer kiwa kreh 14/15 kynta chi sngi katkam i rai yong ka kynhun montri haka 26 tarik u Thohlakhmi 2021.

Related posts

I tieñ wei pyndem tdong ka sorkar Meghalaya ha ka sorkar Assam heiyatoh wa u pood daw wanrah ko yei maa ya kiwa chong chnong ha khappood

August 16, 2025

Still in Darkness: The Forgotten Villages Guarding India’s Border

July 27, 2025

Katkam wa man katni, ka sorkar ym jooh em pait lane yarap ko ya ki khian ki dai, ki khonswet khon rangli. Rap smat pathan ko u pait ki khmat yong ka cha kitu kiwa da dap da biang wei wa yarap ko leh ya kitu kiwa da boon chwa ka spah. Heini se wa jooh ong i ktien “Wa ya u mahajon dang pynmahajon chooh chooh ya oo, katwa uwa dooh won nang dooh”.

U ong wa ki AIS Officer kreh ki 14/15 kynta chi sngi, katwon tam ya kiwa sikai kiwa da pynmih ya ki Officer kiwa khroo wa khroo, chu booh lada ym em kiwa sikai jan ym em ki Officer, ki Doctor, ki Engineer wa kiwi kiwi tawon.

I kam ka Association kyntu i yaka sorkar wa maya yong i wow sñiaw wyrai ko ya i kiwa yoh du T. 12,000 chi bnai. Sñiawbha pynku noh ya i tulop yong i wei chaniah i leh ha i stat yong ka sorkar.

Sñiawthooh i wa ka sorkar emkaam ko da ki spah klur wow pynku ya ka tulop yong i kiwa sikai waphær waphær hapoh ka jylla, tangwa e yumut i yaka sorkar wow pynku chwa ko ya kiwa sikai wa yoh du chi troh donhi i su, yow ya imlang næ rap ya ryngkat wa kiwi tawon kiwa sikai ya i jooh i kaam kiwa yoh yei su wa rap biang.

Kani toh i kyrpaad wa khian yong ka M4thTA lyngba u President u F.R. Nonglait.