Ka sorkar pyrdi ym em pynemkaam bakla ko wow ktah yei hok ki bru samen lyngba u Aadhaar: BJP

Jowai: “Chisien wa poi i heibor hapoh ka jylla Meghalaya daw pyntikna i wa daw wiar i kaam baam-tooh wei u kreh i deiwa khooid,” da ong u General Secretary ka BJP wa pait ya ki Scheduled Tribe & Scheduled Caste u Hayithung Bill Lotha ynne ka sngi.

Hei yatoh wa i pynbaad u Dr. Mukul Sangma wa ym myntoi i wan ki montri ka sorkar pyrdi chapoh ka jylla wei man i du wow pyllut ya ka poisa paidbah, neiliang u Lotha da ong u wa i wan kini ki montri toh wow tip wei wow sñiawthooh yei eh i khoo ki tnat sorkar ka jylla wei yong ki paidbah, deiwa ong leh wa lada ki montri ka sorkar jylla ym bien ki wow krehlang wa ki montri ka sorkar pyrdi ym yohsa ki sadu wow pynbaad kutjait ya ki.

Da ong u leh wa ka sorkar Congress yut ko na i synchaar wa khooid wa jngia.

Hei yatoh wa i pynyait (diversion) ya ka poisa wa da bhah neibynta kawi ka kaam chawi tawon da ong u wa lada chem yeiwa leh kamtæ ka sorkar pyrdi ym elaad ko ya ki wei daw pyntikna wa daw chah pynchitom ki wot hadooh wow chah kset ki, ini u jia i nadooh ki sahep hadooh ki montri sorkar ka jylla.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Heijooh i por da ong u wa ka BJP hi, ka thong yong ka toh wow kreh neibynta kiwa khian paaid wa ya kiwa dooh, kamtæ daw kreh ko neibynta waroh kiwa em hapoh ka jylla Meghalaya.

Hei yatoh wa ki bru kiwa kwah u pyndam pyrtuid na u Aadhaar da ong u wa ka Aadhaar toh ka rukom krehkaam (policy) ka sorkar pyrdi heiwa daw e ko ya ka Unique Identification Number ya uwi pa uwi u bru wei lada em kiwa ym ngait ya oo ye u yaklam pynsñiawthooh ya ki neibhah ini.

Hei yatoh wa i tyngkheiñ ka sorkar ya i hok samen ki bru (Right to Privacy) da ong u wa ka sorkar la man katwa man ym ktah ko ya i hok yong ki bru samen.