Ka VPP State Youth Wing da pynsñiaw ko yei pyrchah wei beiñ joor yei leh yong ka Shillong Municipal Board (SMB) ya kiwa tyrwa cha wa kiwa tyrwa soh ha kylleiñ ka luti Khyndailad deiwa knieh ya ki mar wa dai ki kawa man ka kamai yong ki yow pyndap ha ka yung ka sem ki.
Da ong leh wa kini kiwa tyrwa mar ym em leh ki yeini deiwa chong chithaw tangwa da lai ki kylleiñ yow tyrwa ya ki mar wa dai ki wei lada ka sorkar ong ko wa kini pynwit ki yei lai i wan, da hap leh u pynsangeh yei tem i put wa da pynman da ka Meghalaya Grassroots Music Program ha Khyndailad neibhah kini leh ktah ki yei lai i wan.
Da ong leh wa ka sorkar ymtoh u chah ko ya ki kynthai wa lai dakait kiwa uiñ laitlan khlem em wa pait wa yoo ha Khyndailad iwa da yoo paarsnieh heipor miet kiwa da pynhiar dor ya ka jylla waroh kawi.
Kamtæ da ong wa ka sorkar toh u pait ko yei eh ha waroh soodong ka Khyndailad ymtoh wow thombor yei hok kamai yow pyndap yeiwa emkaam ha ki yung ki sem yong ki.
Discussion about this post