Kawi na ki seiñ wa kreh mon sñiawbha kawa tip kam ka Chdooh Ri Jaiñtia Maia (CRJM) da ong ko wa ka sorkar jylla khamtam ka chnat i chait i khiah toh u e yukheiñ ko ya kitu kiwa yap na kiwi ki jait kjut ha kam ini i por wa joor ka khlam COVID-19 hapoh ka jylla khnang wa ki paidbah u lait ki nei chong syir mynsien.
Da kyntu ko leh ya ka sorkar hapoh i yahkhmat u Conrad K Sangma wow pyrkhat neibynta ki warep khnang wow lait ki u yap thngan ym neidaw u COVID-19 neibhah hapoh i por wa em ka khoom ka kdoh da wanrah i yei doohnong wa khroo ya ki warep wei ka sorkar ymtoh u pyrkhat ko du wow pynjrong ya ka Lockdown.
Ka seiñ da ong ko leh wa emkaam wow pyrkhat leh ya kiwa dooh wa mylla sngi nadooh kiwa kamai kari khnang wow lait ki nei yap thngan.
Da kyrpaad joor ko leh ya ka sorkar wow e yukheiñ ko katwon ngut kiwa yap na kiwi ki kjut man-ka-sngi kamwa e yukheiñ ko ya kiwa yap na u COVID-19.
