U Nehemayah Tyngkan uwi na ki bru wa em i sñiawkhia ya ki wa dooh, chirrup wa ki lok yong oo, u Romes Dkhar, N. Suiam wa u R. Parien dei mynsien wa khia ha kani ka 4 tarik da lai e yarap ki ya ka thaw ri khynnah ka NEIMA, Sahsniang.
U Nehemayah Tyngkan, hawa e yei klam da ong u wa i daw wa pynman ya oo wa ki lok yong oo wow lai e yarap ki toh hadien wa ka sorkar pyrdi da pynbna ko ya ka Lockdown kawa 21 sngi wow yaleh pyrchah ya ka khlam u COVID-19, wei hadien wa tip na kiwa pynlai ya kani ka thaw wa chem ko chiboon i eh i khoo heiwa kammon u pyndap pynbiang ya ki khynnah khamtam hei baam.
Kani ymtoh ka sien wa nyngkong wa da lai e yarap ya kani ka thaw tangwa man ko leh katkam i bor wa khian yong ki wow yarap ya kani ka thaw ri khynnah.
Chooh chooh u Nehemayah Tyngkan wa ki lok yong oo kam ki bru paidbah da pynsñiaw ki yei mynsien wa khia hajrong i duna i yarap wa yoh kani ka thaw na ka sorkar wei da toh i por wow kyruiñ ka sorkar cha kam kani ka thaw kawa kyntang kawa ri wei sumaar ya ki mynsien wa kordor.
Neiliang kini ki chi lok da e sñiawbha ki da u khoo, u syllah, sabon, phñiang, wa ka poisa wa T. 6,500.
Discussion about this post