Ka sorkar toh u pynbiang baam ko ya ki chnong wa chah khang: Mukul

Ka Congress Legislature Party (CLP) ynne ka sngi da yatai ko yei long i man ka jylla na u COVID-19, khamtam yei eh wa da yachem ki paidbah ka jylla.

Uwa yahkhmat ka CLP, uwa man leh Montri Rangbah warim ka jylla u Dr. Mukul Sangma da pynsñiaw u yei sñiawkhia yei poor smat kiwa yabi ya u khñiang kjut cha ki thaw nongkyndong, deiwa ong wa ym em ki thaw leh Test wa biang ha ki thaw nongkyndong kawa ye u wanrah yei eh hadien habood.

Da ong u wa ka sorkar toh u pynjoor ko yei leh Test ha ki thaw nongkyndong yow yada nei poor u khñiang kjut, deiwa pynemkaam ya ki CHC, PHC wa ki Sub-Center.

Ha iwi i liang u Dr. Mukul Sangma da ong u wa ka sorkar jylla toh u thoh ko cha ka sorkar pyrdi wow paan pynche yei pynslem yei por wow chim yei sien wa ar i tika. Da ong u wa ym em iwon iwon i pynche da iwa thooh bniah wei da kyrriah ya i sien wow chim ya i bhah wa ar na ka 3-4 tayaw cha ka 12-16 tayaw.

Related posts

Yieñ ki kari syad dor ha JHADC tangwa yeiwa emkam dooh wei ym yoh poisa

July 24, 2025

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Uwa yahkhmat ka Congress da ong u wa em i ood na ki chnong wa chah khang wa chem chitom ki wow yoh ya ki marbaam mardih neibhah wa jngai ki yaw ki haat, heiwa da pynrap wa ka sorkar toh u pait ko wa kitu ki chnong kiwa toh u yoh ya ki marbaam.

Da ong u wa katkam ka Pandemic Act 2005, da klam che wa toh i kamram yong ka sorkar wow pynbiang ya ki marbaam cha kitu kiwa yachem yei eh na i daw yong kani ka khlam.