U Montri Rangbah ka jylla, u Conrad K Sangma u da ong u wa toh i kaamram yong ka sorkar wow pyntikna i chngaaiñ ki dkhot ka Hynniewtrep National Liberation Council (HNLC), kiwa dawan wow pynlai chakhmat yei klam yasuk.
Ka HNLC ha ka kyrwoh kawa da pynlait ynnin ka sngi, da klam che ko hajrong i chngaaiñ yong kiwa yahkhmat ka seiñ kiwa wan wow embynta hei yaklam yasuk, wa ka chong ka sah yong ki toh u man ko kawa biang ym toh u pynman kamwa chah kset patok hapoh yung.
Chooh chooh ka kyrwoh da klam che ko leh wa katwa i yaklam yasuk dang lai i, ka seiñ em kyrmen ko ya iwa bha tam, tangwa lada i yaklam ym mih soh, kiwa yahkhmat ka seiñ toh u liwan ki deiwa suk cha ki thaw yong ki.
Hawa kylli hajrong ini, u Montri Rangbah da ong u wa ka sorkar daw chimkhia ko ya iyi wa da pynsñiaw da ka HNLC, khamtam wow pyntikna yei chngaaiñ yong kiwa yahkhmat katwa dang lai i yaklam, heiwa da pynrap u wa ini i pyrchang wa da slem wei da pynsñiaw u yei kyrmen wa i yaklam yasuk wa ka HNLC daw sdang noh smat wei u man ko kawa mih soh.
