Shillong: U wa ektien ka BJP uwa pait leh ya ka jylla Meghalaya u Nalin S. Kohli da ong u wa ka luti rel man ko kawa emkaam wow wanrah ya ka roi ka paar ha ka thaiñ mihsngi.
Hei klam u ynne ka sngi wa kiwa thoh khubor, u Kohli da ong wa ka jylla Meghalaya toh kawa sahdien du hei chna sarok wei ki sarok kiwa da chna leh toh kiwa sih hadooh kattæ kattæ.
“Kani ka sorkar yong u Dr. Mukul Sangma la chiphaw snem ym em ko iyi iyi leh ko wow pynkmen ya ki paidbah ha ki kaam pynroi”, da ong u.
U Kohli wei da pteiñ u deiwa ong wa “Nga da dep wan O na ri-loom Garo wei ki sarok boon du ki thlu donhi.”
Hei yatoh wa i wan ki baar jylla, u Kohli da ong u wa ka jylla Meghalaya em ko ki aiñ wow khang ya ki baar jylla wow thied thaw ki wei ini da khang chwa ki ya ki baar jylla wow wan hei bor cha kani ka jylla.
Da ong u leh wa toh u e khusnaam wa heh dooh ya u Dr. Mukul Sangma yei sih sarok hapoh kani ka jylla.
“Nga smat O wow yañia wa u Mukul hajrong i sahdien ka jylla heipor wa synchaar u ya ka jylla wei ym nood u neibhah da tip u wa ym ye de u wow yaleh yeiwa ye ka BJP da kreh ko ha kini ki le snem wa em ko ha heibor” da ong u Kohli.
Discussion about this post