Hadien wa ka Harijan Panchayat Committee (HPC) da kyntait ko ya i e yumut ka sorkar, wei ya i pynwandur namo ka Blueprint ya ki bru na Them Ïewmalong wow chong u sah ki, neiliang u secretary ka HPC, u Gurjit Singh da ong u wa lada ymye wow pynbait ya ini i kaam deiwa yaklam hapyrdi ki ar liang, itæ ka sorkar wa ka HPC, ka mukotduma hapoh ka kasari u lai bait ko kamwa da em chwa.
U Gurjit da ong u wa hadooh katni ki mukotduma hajrong ini i kaam dang em i ha yung bichaar High Court wa ha Supreme Court, wei lada ka sorkar ymye ko wow pynbait yeini hap lai bait kini ki mukotduma.
Katkam wa ong u Gurjit, ka sorkar ym pdiang ko wot ya kawi leh ka mat wa ki bru wa sah ha Them Metor dawa ki, pathan da pynbor ya ki wow pdiang ya ka Blueprint kawa leh tang dep kawa pynyoo wa daw chna ya ka yung wa 6 mala.
Da ong chooh chooh u wa kamwa ka HPC da pynsñiaw ko wa ym pdiang ko yei tyrwa wa da pynkhreh da ka sorkar, tangwa daw yang biang ko yei khut yaklam biang ka sorkar hajrong ini i kaam.
