Shillong: Hawa pynsñiaw wa ka sorkar wa ym toh de ko wow thiah sngi wow pait ya i eh yong kiwa sikai skur haka jylla, u montri wa pait ya ka chnat puræ puthi ka jylla, u Lahkmen Rymbui ynne da klam che u wa ka ym toh u myllin ko ya kiwon kiwon ki eh yong kiwa sikai skur ha ka jylla tangwa man ko wa ym ye u leh waroh chisien leh.
Ini i klam u Lahkmen toh hadien wa thooh yutip wa kiwa sikai skur Deficit da rai ki wow deiñ lama rong yong ha ka sngi lehkmen ya kiwa sikai neidaw waka sorkar ym pu pyllait ko yaka Arrear kawa 25% nalor kiwi won ki phang dawa.
Da ong u wa kiwa boon ki phang kiwa sikai toh kiwa rim wei ym toh kiwa thymme nadooh kiwa sikai skur Adhoc, ki Adhoc College, ki 4th Teacher, ki SSA kiwa dawa wow pynku ya ka tulop yong ki, ki khynnah leh em ki ka baibaam kawa dang sah.
Da ong u wa ki Community College leh ki dang sah waka chnat ka wow leh tangwa ym toh wa neidaw wa em i eh.
U montri ym kwah u wow booh mynnu ka sorkar u pyllait ko yaka Arrear kiwa sikai skur Deficit tangwa da ong u wa ka sorkar daw leh bait ko yaka kamram da i kitkhlieh.
Discussion about this post