Ka Special Job Card toh ka hok kiwa duna i doh i pran: BDO Thadlaskeiñ

U Block Development Officer (BDO) yong ka Thadlaskeiñ C&RD Block, u Dr. Heimonmi Niang, ha ka yalang tbian ha yung krehkaam yong oo deilang wa ki bru wa em duna hei doh i pran, da pynche u hajrong ka Special Job Card deiwa ong kani toh ka hok yong kiwa chong chnong hapoh ka ri, heiwa waroh kiwa duna hei doh i pran em ki ka hok u yoh ya kani ka Job Card wa kyrpang.

Kiwon kiwon ki yung wa em ya kam kini ki bru wa duna i doh i pran, wot najrong wa da em chwa ki ya ki Job Card kamwa yohlang kawi pa kawi ka manyung, ye ki leh u yoh sa ya ka Job Card wa kyrpang neibynta u/ka dkhot ka yung wa em duna.

Heiyatoh weini neiliang u Dr. Niang kyntu u ya ki Secretary VEC kamjooh leh ya kiwa kreh ka Block ymtoh u pyndooh yei hok wa toh u yoh ki. Wei da kyrpaad haroh u ya kiwa em duna wa chong wa sah hapoh ka Thadlaskeiñ Block wow khynjoh ktien ki cha oo lada emkaam ki iwon iwon heiyatoh wa ini.

Ka Ripnar Shylla kawa man ka APO yong ka Thadlaskeiñ Block da pynche ko wa kiwon kiwon wa em duna hei doh i pran ye ki wow lai yachem wa ki Secretary VEC yong ki ha jar jiar ki chnong, wei wow pynbiang ya ki kot ki sla kam ka EPIC, Aadhaar, i dur chiteiñ wa kiwi khnang yow ye pynyoh ya ka Special Job Card kawa man ka hok yong ki.

Related posts

Sangeh yakhih ka MCTODA | Da e por ya ki karkhana Coke 10 sngi

May 9, 2025

Siat ka Pakistan ya ka skur wa pynlai da ki Nun hadooh wa yap ar ngut ki khynnah

May 9, 2025

Da pyntip haroh ko wa ha kini ki sngi wa dep, ka yung krehkaam u BDO Thadlaskeiñ dadep e kti Special Job Card haroh ko cha ki kattu katni kiwa chong chnong  ka Block kiwa em duna hei bor chynna ki khmat.

Neiliang u Dr. H.H. Mohrmen uwa man u Secretary yong ka SURE kawi naka seiñ kreh mon sñiawbha da e u i sñiawngooh ya u BDO wa ka APO neibynta i kreh chitom yong ki.

Da yoh leh i klam na u Krishna Phawa uwa na Mihmyntdu wa ka Heiioobitmi Tre Dhar kawa na Wahiajer kiwa em duna hei bor ya yoo ki khmat.