Ka Shillong Lajong Football Club kawa yakhun ha ki lympung yalehbol kam ka I-League wa Durand Cup 2024, da soi soskular ko wa ka Star Cement ynne ha Shillong.
Chibynta yong kani ka soskular toh wa ka Star Cement u man noh ko kam ka Official Sponsor yong ka Shillong Lajong wow kyrchaan ya ka Club ha kiwa boon ki bynta.
U Pradeep Purohit wa man kam u COO ka Star Cement da ong u wa man iwa kmen wow yakreh wa ka Shillong Lajong wei yooluti u wow ye u wanrah ya ki kaam wa miat wa bha i wow yoh yaroh ka thaaiñ.
Neiliang u Nabarun Chatterjee, Head of Sales ka Star Cement da ong u wa neini daw ye u pynku ya i yalehbol ha ka pateiñ wow wan yong ka thaaiñ.
U Larsing LD Sawian, Managing Director ka Shillong Lajong da ong u wa man iwa emburom wow yakreh wa ka Star Cement kawa da pawnaam ha ka thaaiñ wei ngaitskem u wa daw yarap i ya ka Club wow pynku ya ka Football ha Meghalaya wa ka thaaiñ mihsngi hi waroh kawi.
Discussion about this post