Ka Super Division 2024 ka East Jaiñtia Hills District Football Association (EJHDFA) kawa tip leh kam ka 4th Kyrmen Shylla Contribution Trophy dapoi ko cha ka yakhun Final ynne hapyrdi ka Dhana CSC wa ka Tangskai Tiger.
Ka yaleh da man ko kawa ya ryngkatbor heiwa ka kylla step da kut ko khlem da em wa thap kool tangwa ha ka kylla miet ha ka minit wa 69, u Solomon Sympli da yoh u wow thap kawa da neh hadooh ka kut ka yalehke yow pynman ya ka Thangskai Tiger kam ka Super Division 2024 Champion kawa da yoh leh ya ka song poisa kawa Rs. 1 lak.
Ha kani ka sngi da saam leh ya ka khusnaam cha kiwa yalehke kiwa man kamni:
Emerging Player of the Tournament: Solmon Sympli (Thangskai Tiger)
Goal of the Tournament: Sixkiru Lyngdoh (R. Iawpynsing)
Player of the Match: Solmon Sympli (Thangskai Tiger)
Player of the Tournament: Harita Suchen (Dhana CSC)
Best Goalie of the Tournament: Shainbor Muksor (Thangskai Tiger SC)
Best Team: Dhana CSC
Da pynkup burom leh ya ka National Referee (Level 5), ka Batbitbha Bareh kamjooh ya ki Referee yong ka Association.
Da wan wow pynhaap pyrda ya kani ka yalehke Final da u Kyrmen Shylla kam u kongsan uwa man leh kam u MLA ka Khliehriat heijooh i por u Montri sorkar, ka Santa Mary Shylla, MLA Sutnga-Saipung kam ka symboon kongsan, u Deputy CEM ka JHADC, u Lasky Rymai, u Finlyness Bareh, MDC deilang u Justine Dkhar, ka Violet Lyngdoh, u Gautam Warjri, ADC East Jaintia, ka Stephanie Rapsang, DSO East Jaiñtia Hills District, kiwa kitkaam ka WJDSA, ka Saipung Block Sports Association, ki waheh chnong wa kiwi kiwi de.
Discussion about this post