Ka seiñ JSU da phah ko yaka kyrwoh kawa che cha ka Topcem Cement wa toh u beh kreh næ wow kyrriah noh chisyndon ya ki ar ngut kiwa kreh kani ka karkhana pynmih khyndaw-bilat kiwa man leh ki baar jylla.
Kini ki ar ngut toh kiwa da pynchit wei da phah bom phah dat ya ki paidbah ha ka sngi wa da pynman ya ka Public Hearing kani ka karkhana ha ka 24 tarik.
Ka seiñ da dep phah ko leh ya ka kyrwoh ynnin ka sngi cha ki heh yong kani ka karkhana wow beh kreh wei ymtoh de u em namo wow kreh kini ki bru hapoh ka jylla.
Da maham leh wa lada neh ki hapoh ka jylla wei lada jia iyi iyi ya ki, kani ka karkhana wa hap wow bahkhlieh ya iwon iwon i jia wa sñiawsih.
Discussion about this post