Ka Truck, ka Thar Roxx, ka Bolero, ka Pickup, ka Alto wa 4 tylli Scooty u pynkhle ka Thadmuthlong C Phramer

Ka Dorbar Chnong Thadmuthlong Phramer C, kawa ye u ong wa man ko kawi na ki chnong wa em hapyrdi ka Ri-loom Jaiñtia heiwa lyngba yong ka u lai cha East Jaiñtia Hills kamjooh cha ki chnong wa em hapoh ka Laskein C&RD Block.

Ha ka 18 tarik uni u bnai, da pynlait ko ya ki Ticket Khle Nasib namo ka Lucky Draw ha ka yalang wa tbian wa da pynman ha ka chnong.

Ya kini ki Ticket da pynlait paidbah da u A. Iawphniaw uwa man u In-Charge ka Phramer Traffic Cell heiwa ya ka yalang da pynlai da u Waheh Chnong, u Balen Tang hei emlang kiwa kitkaam chnong.

Neiliang u Balen Tang da khana u wa i daw wa pynman ya kani ka Khle Nasib toh wow pynmih poisa wow chna ya ka Community Hall ka dorbar chnong kawa da angnood ki paidbah ka chnong da slem.

U A. Iawphniaw hawa yei klam chwa wow pynlait ya ki Ticket da kitbok u ya ka chnong wow ye u lai dai ki Ticket khnang wow yoh lap bha yow poi cha ka thong wa bha wow chna ya ka Community Hall ka chnong.

Neiliang u Yooki Suchiang uwa man u Secretary ka chnong da pyntip u wa i dor kawi ka Ticket toh du Rs. 100 donhi heiwa chi book won man ki Rs. 1,000.

Da ong u leh wa ki Ticket ym sihlet de ki bru u thied ya ki neibhah wa ki Prize man ki kiwa heh wei kamjooh leh kiwa boon hadooh 9 tylli.

Related posts

Da ka Fete deilang ka Bumper Housie pynman ka Khliehmyntriang yow pynmih poisa ya ka LP School ka chnong  

March 19, 2026

Daw pynman ka Seiñ Raij Tuber Women’s Wing ya ka Housie wa Rs. 5.60 lak

March 16, 2026

Ki Prize yong kani ka Lucky Draw man ki kamni ha wah:

1st Prize: TATA 16 Wheeler Truck

2nd Prize: Thar ROXX

3rd Prize: Bolero B4

4th Prize: Bolero Pickup MAX CT

5th Prize: Alto K10

6th Prize: Scooty

7th Prize: Scooty

8th Prize: Scooty

9th Prize: Scooty

Ya ki Ticket ye phi leh u thied Online deiwa Phone ha u Number- 84150132997, 6009249944, 9366732408.

Da pyntip leh wa daw pynkhle ya kini ki Ticket ha ka 15 tarik u Thohlakhmi (February) 2025.