Shillong: U montri ka chnat puræ puthi ka jylla, u Lahkmen Rymbui hawa jubab yeiwa kylli u MLA ka Rajaballa, u Azad Zaman ynne ka sngi, da ong u wa i pyllait ya ka tulop kiwa sikai skur SSA man i mar ya yoh poisa na ka sorkar pyrdi wei chong i leh hei em poisa.
U Lahkmen da ong u wa ka tulop wa sah yong kiwa sikai skur SSA toh 4 bnai yeiwa ka sorkar thmu ko wow pyllait noh na ka muna poisa yong ka jylla.
Da ong u wa ka sorkar jylla dang su ko ya ka tulop kiwa sikai SSA na ka Corpus Fund katwa ympu yoh poisa na ka sorkar pyrdi wei yeini da leh heiwow su tulop cha kiwa sikai ha u snem wa dadep kawa man nadooh u Naitung hadooh u Naisaphra.
Ha iwi i liang u montri da pyntip u wa u lynba ka SSA da jooh e mynkna 4 tylli ki kot puræ neibynta ki Lower Primary wa 5 tylli neibynta ki Upper Primary, kini ki kot ki kynthup ki ya ka subject English, Science, Maths wa Social Science.
Discussion about this post