Jowai : I rukom chet dakha wa sa-ang ka rukom leh nadooh nachwa, ha kini ki bnai wa da lai da thooh ya ki laad ki luti yow chet deiwa rap miat yow man ki ki dakha wa da miat ih wei wa bang.
Ya ini i rukom da leh ha chnong Umlatkhur wa ha Thangbuli, ini i jooh i rukom da leh leh ha Garo Hills. Tangwa ka rukom sa-ang ya ki dakha man ko kawa ktah joor yei chait i khiah ki bru neidaw i tdem wa mih na tpai.
Kamtæ ha kani ka kynti ka CIFT-ICAR da chna ko da ka tyndur thymme kawa khut COFISKI næ ka Community Fish Smoking Kiln kawa ye u pynkrehkaam hadooh 20 snem wei i dor kawi ka tyndur toh T. 40,000.
Ha ka sien wa nyngkong dooh ha jylla da e sñiawbha 3 tylli kini ki tyndur wei daw e chooh ya kam kini cha ki paidbah wa pynkhreh wa sa-ang.
Kani ka tyndur man ko kawa miat neibhah lada pynemkaam 4kg ki dieñ da dap u pynkhreh 20kg ki dakha wei na ka 5-6 kynta u pynkhreh kattu u chimpor ko du 2 kynta.
Ki dakha wa da pynkhreh deini i rukom ye ki u neh hadooh le bnai. Ha kini ki tyndur ye leh u thang da ki yutem kba, wa kiwi kiwi ki mar.
Hei yatoh wa i rukom song ya ki dakah wa sa-ang katkam ka juk katni næ ka Hygienic Packaging ki bor ka District dang yaklam ki wa ka Indian Institute of Packaging, Kolkata yow esikai ya ki bru wow song ya ki doh wa sa-ang katkam ka juk wa katni.
Ya kini ki tyndur da chna wei pynwandur da ka CIFT hapoh i yahkhmat u Director Dr. Ravishankar; Dr. MM Prasad, wa kiwi kiwi.
Discussion about this post