Ka United Democratic Party (UDP) Mawkyrwat Circle, ryngkat ki heh ka UDP na South West Khasi Hills, da klam che ki wa ym em khylliap lama ya ka UDP ha Mawkyrwat kamwa da mih khubor.
U President ka UDP Mawkyrwat, u Shanbor Nongsiej da ong u wa ki paidbah ka thaaiñ ymtoh u sñiawthooh bakla ki wa ka Party ymtip ko yeitæ wei toh du i mih ki kattu katni ngut kiwa kyrchaan ka Party.
Da ong u wa ka Party neini u kreh chitom ko wow pynkhlan chooh chooh ya ka Party, wei ha ki kajiak bnai wow wan ka Party daw pdiang ko ya ki hajar ngut ki paidbah wow psiah thymme ha Mawkyrwat, wei wow pynyoo leh wa ha ka Election wow wan ka UDP daw jop ko na kani ka Constituency.
Hajrong i mih noh u Medalsing Lyngdoh, da ong u wa toh da tip u wa ymyoh Ticket u naka UDP wow yakhun ya ka Election ha u snem 2023. Da ong u wa ka Party hawa nyngkong da phah ko yei pyrtuid u Medal, tangwa neidaw wa ympu biang i por wow rai e Ticket, tæ boi mih noh u na ka Party.
