Hadien wa pynmih khubor u waheh chnong ka Huroi, u Golden Marbaniang uwa da ong wa ka chnong Umpyrshin ymtoh ka chnong tangwa ka dong wa em hapoh ka chnong Huroi wei da phah u leh yaka Seiñ Kur Suchen wow pynche ko yei pynmih khubor wa daw pynman yaka dorbar ka kur ha chnong Umpyrshin.
Neiliang u waheh chnong ka Umpyrshin, u Johny Suchen da pynche u wa ka Umpyrshin ymtoh ka dong tangwa ka chnong wa pura wa da tipmit da ka JHADC katkam i pynbna “Notification Dated 5th August, 1983- Appendix-I of the Constitution of the Jaintia Hills Autonomous District Council (Amendment) Rules, 1983 wherein the name of the petitioner appearing at Sl. No. 13- Narpuh District Council Constituency under Rymbai Dolloiship. (Annexure-8)” da pynsakhiat ko wa ka chnong Umpyrshin toh ka chnong wa pura.
Da ong u leh wa najrong ini, da em leh i pynsakhiat lyngba ki kot ki sla na ki chnat waphær waphær yong ka sorkar.
Da pyntip u leh wa em ka hukum ka High Court ka Meghalaya kawa da pynmih haka 25th July 2014. Wei hajrong katai ka hukum, ka chnong Huroi ym jooh burom wei da muchlia pyrchah ki ya kani ka hukum ka yung bichaar.
Chooh chooh da ong u wa i daw toh wa ka chnong Huroi em ko hapoh ka Reserve Forest katwa ka chnong Umpyrshin won em ko cha baar ka Reserve Forest.
Puræ leh: Ka Umpyrchin toh ka dong wa em hapoh ka chnong Huroi, pynche u Waheh Chnong
Discussion about this post