U Chief Executive Member (CEM) ka Jaiñtia Hills Autonomous District Council (JHADC), u Thombor Shiwat da ong u wa i wan kyrha ki dkhot ka Voice of the People Party (VPP) toh du ka buit wow pynpawnaam ya idæ.
U CEM ka JHADC da klam u yeini hajrong wa kylli yei sahkut ka tulop kiwa kreh ka JHADC heiwa ki dkhot ka VPP da pynman ki yei yakhih hakhmat ka yung krehkaam ka Council ha kani ka tayaaw wa dep yow dawa pynlait ya ka tulop kiwa kreh.
U Thombor da ong u wa ka VPP ymtoh ka seiñ saiñ pyrthai tangwa toh ka seiñbhalang wei i wan kyrha yong ki ym myntoi iyi iyi neibhah lada em poisa ka Council ka su ko ya ka tulop wei lada ym em poisa ym ye u leh iyi iyi lada kyrha ki man-ka-sngi leh.
Da ong u wa ka sorkar jylla da pynkhreh ko chaaid chaaid yow pynlait ya ka bhah yong ka Council wei kattæ hadien wa da tip ki wa ka poisa da jan poi ko, da wan ki wow kbai khnang yow yoh burom wa leh ki, wei kamwa man kattæ da wan syu bha ki.
Da ong chooh chooh u wa kani toh du ka buit yong ki neibhah wa da jan ka Election wei da wan ki leh yow chim kabu. Da ong u wa ka tulop kawa sah wow su man ko 7 bnai wei kamwa Rs. 6 klur chi bnai.
U CEM da khana u leh wa ka sorkar daw pynlait poisa ko sa kamwa Rs. 17 klur.
Da pynche u leh wa i wym yoh tulop ymtoh du ya kiwa kreh tangwa ya ki MDC leh kamjooh.
Discussion about this post