Jowai : Ka yung krehkaam u Additional Director General of Police: CID yong ka jylla Meghalaya da pynmih u ya ka wyrta heiyatoh wa ki kaam thok lyngba ki ATM Card.
Da ong wa ki bru paidbah da y h ki ya ki phone lyngba ki Mobile Phone wa ki Landline na ki damok kiwa pyndur toh kiwa kreh ha ki Bank wei da paan yutip ki chaphang ki ATM/Debit Card kam ki Card Number, ki CVV Number, ki tarik wow yap kini ki Card, ki Pin Number wot hadooh ki One Time Password, ki Aadhaar Card, wa kiwi kiwi dei thmu wow chukor ya ki paidbah.
Kani ka yung krehkaam da kyntu ko ya ki paidbah wow syndong wei wow dam u e yutip chaphang kini waroh neibhah wa ym em kiwa kreh Bank kiwa yohbor wow leh ya ini.
Kamjooh leh da kyntu ya ki paidbah wow pynemkaam da ki Virtual Keyboard wei wow yait na i pynemkaam ya ka keyboard ha ki Website heiyatoh wa ki kaam poisa wei wow kah ya ka Keypad hawa pynemkaam ya ka ATM.
Lada em wa chem kam kini da kyntu ya ki wow lai cha ki yung krehkaam pulit kam ki Police Station / Police Beat House / Police Out Post namo ka Cyber Assistance Cell (CAC). Ye leh u phone ha ki Number :- 0364-2504001 / 9402519391 namo deiwa phah email ha [email protected]
Discussion about this post