Jowai : Ka dhab All Meghalaya Gramsevaks-Sevikas Association ynnin ka 2 tarik Kmaichonglad da pynman ki ya ka yachemlang ha District Library Auditorium, Mynthong, Jowai.
Ha kani ka yachemlang næ General Meeting kiwa kreh Gramsevak -Sevika haka Jylla Meghalaya da wan emlang ki na kylleiñ ki block ka Jylla. Ya ka yalang da pyllai da u W. Wanniang, President ka seiñ, da yoh i klam pdiang burom na u H.B Rymbui dkhot ka Association uwa na Jaiñtia Hills District, i rwai pdiang naki dkhot DLGSA Jaiñtia Hills District.
U General Secretary ka AMGSA da pynsñiaw u ha kani ka sngi ya ka rai yong ka Annual General Meeting yong u snem 2015 wei da yaklam ki leh hajrong kani ka rai.
Da wanrah yaka Financial Report da u R.S.Kharkongor Treasurer AMGSA, ka Audit Report na u C.L. Wanshnong, Auditor AMGSA wei da yaklam leh hajrong kini ki report.
Da wanrah report ki leh hajrong i lai chakhmat ki kattu katni i dawa yong ka seiñ, i report hajrong i pynkhreh neibynta ka Pay Revision kamjooh i jied ya ki wa kitkaam neibynta u snem 2017-2019.
Ha kani ka sngi da leh warom ki leh ya u W. Wanniang uwa da chong ngiah nei kreh wei uwa jooh man leh kam u President ka seiñ.
Discussion about this post