Jowai : Ki paaid ka War Jaintia kiwa chong wasah ha chnong Jowai, hapoh ka lama War Jaintia Social Welfare Organisation (WJSWO) Jowai, ha ka 18 Kmaichonglad da pynman ki yaka yachemlang kawa kyrpang næ ka social meet nei bynta wow leh warom yaka Advance Christmas & Happy New Year, ya kani ka yachem wa kyrpang da pynman ha District Library Auditorium, Mynthong, Jowai.
Ha kani ka yachem wa kyrpang da emlang chirup u ma Desous Pohshna, MDC, Narpuh Consituency kam u kongsan, u ma Samson Pohthmi, Inspector Of Taxes, ki paidbah ka thaiñ War Jaiñtia na ki chnong wapher wapher yong ka Ri-Loom Jaiñtia.
Ha kani ka sngi u ma Kel Pohleng, Ex-Persident WJSFO, da pynlait paidbah u yaka Calender yong ka seiñ, i thmu yong ka seiñ wow pynmih ya kani ka calender toh chi bynta wow yarap ya ka yarong poisa neibynta ka thaw ri khon swet ha Ri-Loom Jaiñtia.
Da pynlait paidbah leh ya kawi ka Audio Album næ ka thup rwai na ka phlim War Jaiñtia kawa pyrtuid “Hyn di Kai muh” kawa da pynwandur næ Direct da u ma Micheal Myrchiang naka chnong Nongtalang wei ya kani ka thup sur rwai da pyllait paidbah ya ka da u ma D.Pohchen President ka seiñ.
U ma Desous Pohshna kam u kongsan hawa klam ha kani ka sngi da sneiñ kyntu u ya ki khon khynroo khyllood ka thaiñ War wow man ki, ki khon khyroo kiwa tip bru tip Blai, ki khon khynroo kiwa lait nei kaam iwa man pyrchah yaka imlang ka sahlang.
Ha kani ka sngi da yoh leh yei klam na u ma Samson Pohthmi, u ma TC.Pohshna Adviser WJSWO, wa u ma D. Pohchen, President ka seiñ.
Hadien i klam na kini ki waheh, da ah yow cake Christmas da ka kong Loly Pohsngap.
Ha ka bynta wa ar yong ka yalang, da em i pynkhle yaki ticket Lucky Draw yong ka seiñ.
Ya ki prize cha kiwa pam daw saam ha ka 24 Kmaichonglad ha Yung Yong u ma Johnson Mermen ha Chutwakhu.
Discussion about this post