Jowai : Ha ka lympung yalehke kawa tip kamka Tiger-5 kawa pynman da ka Jalapang Sports Club, ha Wahiajer ynne ka sngi da pyndep ya ka Quarter Final wa ar.
Ka yakhun da pynman ha pyrdi ka Avenger pyrchah ya ka Erick FC na Mukhla.
Ka Avenger da jop suk ko heiwa da thap ko 7-1 heiwa neiliang ka Avenger da thap u Buda Ioni uwa da thap le kool ha ka minit wa 6,12,19 wa u Ebormi Jat uwa thap 2 kool ha ka minit wa 24 wa 27.
U Kitbok Shylla won da thap u sa ar kool ha ka minit wa 55 wa 63 minit.
Ya ka kool ka Erick FC da thap da u Melvin Lyngdoh ha ka minit wa 9.
Haka 25 tarik heipor 3 waje i sngi won daw em ka yakhun hapyrdi ka Larnai FC pyrchah ya ka Combine FC heipor 3 waje nohchariñ ka sngi ka wow man leh ka yakhun wa le kani ka Quarter Final ha kani Lympung.
Discussion about this post