Ka yakhun Quarter Final wa khaddooh yong ka Tiger Five ynne ka sngi hapyrdi ka Umshangiar wa ka Cham Cham FC

Jowai: Ka yalehke Tiger Five ynne kawa man leh ka yaknieh wow psiah cha ka Semi Final da man ko hapyrdi ka Umshangiar pyrchah ya ka Cham Cham FC.

Ka yalehke da man ko kawa yoosuk bha neibhah wa pyn ar ki dhab man ki kiwa yabiang i bor.

ADVERTISEMENT

Ha ka kylla step ka yalehke waroh arliang ym em u ye ki wow thap ya ki kool kamtæ ka kylla step da kut da 0-0.

Haka kylla miet yong ka yalehke ha ka minit kawa 39 ka Umshangiar da yohlad ko u thap ya ka kool lyngba u Kynsai Lhuid. Kani ka chi kool da neh ko hadooh wa kut heiwa neiliang ka Cham Cham FC ym em de yohlaad ki wow su ya kani ka kool.

Related posts

Da ka yalehke hapyrdi ka Mawlai SC wa ka RSD FC u sdang ka Gold Cup | Da khut sñiawbha ya phi waroh

October 20, 2026

Psiah Semi ka Kremmyrsiang ha ka 1st Division, jop ka Tluh ha ka Super Division ka SBSA

October 19, 2026

Kamtæ ka Umshangiar SC da man ko ka wa jop ha kani ka yalehke wei man ko leh ka dhab wa soo wow psiah cha ka Semi Final. Ha kani ka yalehke u Donbok Bamon yong ka Cham Cham da yoh u ya ka Yellow Card.

Ya ka Semi Final Round leh da pynkhle ynne hadien wa kut ka yalehke heiwa ka Dari & Da oo FC u yaleh ko pyrchah ya ka Loomkyrwiang SC ha ka 16 tarik, katwa ka Umshangiar SC u yaleh pyrchah ko ya ka Tyllilang FC ha ka 17 tarik heipor 3:30 nohchariñ ka sngi.

Katwa ya ka Final yong kani ka yalehke u man ko ha ka 20 tarik heipor 2:00 waje nohchariñ ka sngi.