Ka yakhun Semi Final ha pyrdi ka Nangbah Mulang wa ka Sohmynting

Jowai : Ka yakhun Semi Final wa le yong ka Super Division yow jied ya ka dhaab wow yoh u psiah Final ki wow yachem wa ka Khimusniang da pynman ya ka ynne ha pyrdi ka Nangbah Mulang wa ka Sohmynting.

Ha ka kylla step ka Nangbah Mulang do yoh ko u thap ar tylli ki kool ha ka minit wa 14 lyngba u Pynhun Pyrtuh wa ha ka minit wa 17 lyngba u Pyrkhat Dkhar. Ha chwa u kut ka kylla step ka Sohmynting da yoh ko u su chi kool ha ka minit wa 42 lyngba u Meker Suting. Kamtæ ka kylla step da kut ko 2-1.

Ha ka kylla miet won ka Nangbah da yoh biang ko thap sa chi kool ha ka minit wa 81 lyngba u Pynhun Dkhar katwa ka Sohmynting won ym ye de ko u su kylliang hadooh wa kut i por. Kamtæ ka Nangbah Mulang da jop ko da 3-1.

Ya ka tarik Final won daw pyntip won heiwi tawan i por.

Related posts

Khut ka MFA ya ki khynnah yow chah jied hapoh ka Academy wa dang sdang thymme ko

January 29, 2026

Khaddooh da yoh bor wow pynman ya ka Final ka Super Division ka WJDSA

January 29, 2026