Ka yakhun Tiger Five ynne ka sngi ha pyrdi ka Dari & Da-oo FC wa ka Hame Sajer FC

Jowai: Ka lympung yalehke Tiger Five kawa yaleh ynne ha pyrdi ka Dari & Da oo FC pyrchah ya ka Hame Sajer FC (Heibor) ha madan ka Chilliangraij da man ko kawa yoosuk bha heiwa kiwa yalehke na pynar ki dhab da yaleh ki u pynkhih ya ka jaar.

Ka yakhun dei wym poipyrkhat ka Dari & Da-oo FC ha ka minit kawa 8 da thap ko ya ka kool lyngba u Niawkor Kyndiah kawa da neh hadooh wa kut ka kylla step.

Hawa sdang won ya ka kylla miet ka yalehke, waroh arliang ki dhab da pyrchang ki wow thap ya ki kool, tyngwa i pliah yong ki wa yang kool da ye ki wow khanglaad ya ki kool kiwa mut u thap khamtam ka kool yong uwa yang u Hame Sajer heiwa ki nongpaitke da yaroh ki yei stat yong oo wow ye u yada ya ki kool.

Neibor i stat wei chemphang ki wa yalehke ka Dari & Da oo ha ka minit wa 54 da yoh biang ki wow thap ya ka kool wa ar lyngba u Niwan oo Gatphoh katwa neiliang ka Sajer FC da yoh ko wow su won ya ka chi kool ha ka minit wa 57.

Related posts

Ka Rymbai Skhenshynriah pyrchah ya ka Kynsai Stream Fensing ha ka Final ka Gold Cup

November 27, 2024

Super Division: Jop ka Demthring ya ka 7 Wasa, khlem wa jop hapyrdi ka Mukhla wa Lumiawmuchai

November 27, 2024

Kamtæ ka yalehke da kut ko heiwa ka Dari & Da oo da jop ko 2-1.

Ka yalehke wa khaddoh yong ka Round wa nyngkong u kut ko mynstep heiwa ka Para-i FC u yaleh pyrchah ko ya ka Emlang FC heipor 3:30pm.

Katwa ya ka Quater Final yong kani ka yalehke u sdang nadooh ka 10 tarik uni u bnai.