Jowai : Haka yakhun Semifinal wa ar yong ka Tiger Five Football Tournament ha Chilliangraij, ka Umshangiar SC da yachem ko ya ka We United SC.
Nadooh wa sdang ka yalehke kiwa yalehke yong ka Umshangiar da pynyoo sakhait ki yei buit yalehke yong ki heiwa dang du ha ka minit wa ar yong ka kylla step da yoh ki wow pynkhih yaka jaar lyngba u H. Nongbri.
Neiliang kiwa yalehke ka We United kawa man ka dhab kawa jooh rah yei naam jop næ Champion ha ki snem wada lai da pyrchang ki wow thap da ki boon boon tylli ki kool tangwa ini waroh man ki kiwa sepai neibhah ka Umshangiar ym elaad ki wow yoh u thap ya ki kool.
Ka Umshangiar nalor wa da khlan kiwa yalehke yong ka, dang yoh bor chooh chooh ko naki paidbah wa kyr-iaw wa kyrchaan yaka, kamtæ ha ka minit kawa 28 chwa wow kut ka kylla step da yoh biang ki wow thap yaka kool wa ar lyngba u Masan War, Jersey No. 10, kamtæ da kani ka kool, ka Umshangiar da sñiawskhem ko wow yoh yei naam jop ha kani ka yalehke.
Hawa sdang won ka kylla miet, ka We United da yakhun bha ki wow yoh u su ya ki ar kool, tangwa kiwa yalehke yong ka Umshangiar nangjoor i pyn-eh ki u khang ya kiwa yalehke ka We United hadooh wa kut i por. Kamtæ ka Umshnagiar da jop ko 2-0. Deini ka Umshangiar da yoh ko u psiah chaka Final.
Ka Umshangiar kattu u yaknieh ko yei naam Champion ha ka Final pyrchah ya ka Elsa SC ha ka 28.05.16 hei por 2:30pm.
Ha kani ka yakhun Final ka song poisa toh ₹50,000/- deilang wa ki trophy.
Discussion about this post