Ka Society for Urban and Rural Empowerment, (SURE) lyngba ka Link Worker Scheme, ynne ka sngi da pynman ko ya ka Folk Dance Competition namo ka yakob chaad trynre ha deilang i wanrah ya ka Wyrta kammon u yakhun ya uni u khñiang kjut HIV uwa man uwi na ki khñiang kjut wa booh hei maa bha yei im ki bru wa ka imlang sahlang hi waroh kawi neibhah wa kat nang mih ki sngi ki bru wa yoh ya uni u khñiang kjut da nang boon ki.
Ya kani ka yakob pynsñiawthooh paidbah wow yakhun ya u khñiang HIV da e kyrchan da ka Meghalaya AIDS Control Society, Shillong wei napyrdi kiwa wan chimbynta boon hi toh ki seiñ Village Organisation na ki chnong waphær waphær wei da pynman ya ka ha Indoor Hall ka Lion Mission Compound, Jowai.
Ha ka yalang tbian wa pynlai da ka L. Rymbai, CLW chwa wow sdang ka yakob chaad da yoh i klam batai bniah hajrong ka SURE na u H.H. Mohrmen, Secretary ka SURE, wei i batai bniah hajrong ka Link Worker Scheme da yoh na ka R. Lywait, CLW, katwa u Ajoy Lanong Deputy Director Main Streaming, Meghalaya AIDS Control Society da batai pynche u hajrong u khñiang kjut HIV wei kammon u yada kamjooh ki laad sumaar, heijooh i por kammon u burom u e mynsien ya kitu ki bru wa da imlang wa uni u khñiang kjut.
Discussion about this post