Jowai : Ka Seng Samla Katholik Parish Jowai (SSKPJ) kam chi bynta wow pynchlur ya ki khynroo khyllood wow sai ki yei sap yong ki hapoh ka Balang, da pynman ko da ka yakop miat kynthai bha chynrang ha kani ka 11 tarik ha Marian Hall, New Hill heiwa u ma Philemon Lyngdoh da man u kam u kongsan.
Ha kani ka yakop yei naam miat kynthai da rah da ka Dakaru Ryngkhlem katwa i naam bha chynrang da yoh u Adiousbai Passah.
Katwa ka yakhun ya ka Best Traditional neiliang ki chynrang da yoh rah da u Daniel Shadap wei neiliang ki khynthai won da yoh da ka Dakaru Ryngkhlem.
Ha kani ka yakop da wan chim bynta da chiboon ngut ki khynroo khyllood ka Balang Katholik kiwa haap hapoh ka Jowai Parish.
Yei naam 1st Runner up neiliang ki khynthai da rah da ka Heiniwanroi Sungoh katwa neiliang ki chynrang won da rah da u Daniel Shadap. Ya ka 2nd Runner Up na ki khynthai da rah da ka Patiently Kyndait katwa na ki chynrang won da yoh da u Donald Sutnga.
Hawa kyruiñ cha ka yalang wa tbian ha kani ka yakop u ma Philemon Lyngdoh kam u Kongsan da yaroh u ya ka SSKJP wa e ko i thmu wow pynman ya kam kani ka yakop kawa ye u sai ya i sap ki khynnah.
Da kitbok u leh ya kiwa chimbynta wow chlur ki u chimbynta ha kiwon kiwon ki yakop neini chaphrang.
Discussion about this post