Jowai : Ynne ka step ka 25 tarik kam chibynta u sdang noh ya ka ‘Discover Jaintia 2016’ heipor 8 waje da pynman ya ka Discover Run heiwa da wan chimbynta 53 ngut ki chynrang wa 12 ngut ki kynthai.
Da sdang ya ki yakop phet nadooh na madan Kiang Nangbah College ter ter deiwa lai na Mossalayngkat, Iawmusiang, Wahnangbah, Tpep-pale, Dulong, Iongpiah, Pohskur, Chutwakhu wei da pynkut ha madan Jrisalien.
Neiliang ki chynrang da jop u Phos Dhar na Nartiang, wa ar da wan u Belin Dhar na Sabah katwa yeiwa le da yoh u Manso Kynait na Sabah.
Ha ki kynthai won da jop ka Phyrnai Kyndait na Mukhialong, wa ar da yoh ka Dakahi Kyndait na Mukhaialong katwa yei wa le da yoh ka Basiadiamki Talang na Tyndowapung.
Kani ka marathon jrong ko kamwa 4km wei ha kani ka sngi u Iohi Ksan Lyngdoh uwa dang 10 snem i rta da man u uwa khian dooh uwa yachimbynta.
Kam wow pynkynmoo myntu daw em i lai paidbah nadooh na Ladthadlaboh hadooh Jrisalein i wow sdang heipor 10:15 i step. Hadien ini daw em boon jait yalehke ha madan Jrisalein hadooh i por 2 waje i sngi wei daw pynbood won sa ka Musical Extravaganza ha nan Thadlaskeiñ.
Discussion about this post