Jowai : Ynne ka 8 tarik ka seiñ Hynñiewtrep Youth’s Council (West Jaiñtia Circle) da pynman ko ya i e sikai hajrong i ktah i kiad yei chait i khiah ya ki bru ha District Library Mynthong Jowai.
Ha kani ka sngi hajrong ka phang “Effect of alcohol Consumption on health” da wan ap wan sñiaw da ki khynnah skur waphær waphær wei da emlang leh ki seiñ bhalang waphær wa kiwi kiwi haka yalang wa pyllai da u Andy R Dkhar uwa man leh kam u General Secretaryka HYC West Jaiñtia Circle.
Hei yatoh weini i e pynche da e i klam na u ma Terence Sawian, ka kong Balentina T.Lamare District Co-ordinator Mental Project, u ma Jimmy.R.Kharmuti Project Co-ordinator Child Line, Ka Kong I.Kharpran SI Incharge Crime Branch Jowai wa kiwi kiwi.
Kini ki bru chemphang hei klam yong ki da ong ki, i kiad toh ka luti wow yah chei dih wa boon jait, i dih yei kiad wanrah ko yei kjut, ktah ko yei thij i pyrkhat u bru iwa ye u yah wow leh ki chiboon ki kaam wasih haka imlang sahlang chirup wa pynjæd tympra ko ya ka yung ka sem.
Discussion about this post