Ka yalang paidbah hei yatoh wow chna noh ya ka U Tirot Sing Market Complex, Mairang

Shillong: Ka yalang wa nyngkong hapyrdi ki paidbah wa ki heh sorkar hei yatoh wow chna ya ka U Tirot Sing Market Complex, Mairang da pynman ya ka ha Office Sub-Divisional Officer (C), Mairang Civil Sub-Division, Mairang ha ka 17 tarik uni u bnai.

Ya ka yalang da pynman da ka KCRMS – NERCoRMP, Nongstoin, West Khasi Hills District (Ka Project wa su poisa ka NEC Shillong). Ha kani ka sngi da emlang leh ki Sordar ka Mairang Civil Sub-Division, u MLA ka thaiñ u M. Lyngdoh, u Arunkumar Khembavi, DC, West Khasi Hills District, ka F.M. Lakiang, SDO (C), Mairang Civil Sub-Division, u Phrestar Syiemlieh, Syiem Hima Nongkhlaw, u J Kharkongor, Project Manager, NERCoRMP wa kiwi kiwi.

U J. Kharkongor, Project Manager, NERCoRMP da batai wei da pynyoo leh da ki dur ki dar wa kammon u wandur kani ka Market Complex kawa daw em hadooh 370 tylli ki dukan, ki lift, ki luti wow pynemkaam kiwa duna hei doh i pran, ki CCTV, ki pakhana ha kawi pa kawi ka mala ki thaw booh kari wa kiwi kiwi.

Da pyntip leh wa ya ka yaaw wa em katni daw tympra ya ka chi bhah wei ya ki tre dukan wa chah ktah daw kyrriah ya ki cha i thaw wa em pynhajan. Da booh por 24 bnai wow pyndep u chna ya kani ka Market Complex.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

I dor wow chna ya kani ka Market Complex toh T. 12 Klur 86 Lakhs wei da dep pyllait T. 3, 07, 64, 000. Ya ka tender daw khut hapoh chi bnai.

U P. Syiemlieh, Syiem Hima Nongkhlaw da pyntip u wa da dep pynman ya ka yalang wa ki tre dukan yow pynsñiawthooh ya ki chaphang kani ka Market Complex wei ki waroh da kyrchaan ki yei chna ya ka.