Jowai : Ka seiñ Jaiñtia Hills Truck Owners Association da rai ko u pynman ya ka yalang paidbah ha ka 16 tarik uni u bnai ha madan Ynñiaw Mer heipor 10:30 i step.
Ki phang yong kani ka yalang paidbah toh yow yaklam bniah hei yatoh wei chah lehbeiñ ki tre truck kiwa na ri-loom Jaiñtia ha ki Karkhana Khynawbilat neibhah kini ki karkhana wa em hapoh ri-loom Jaiñtia pynemkaam ki da ki truck wa em hadooh 18 chaka yow kit khyndaw bilat, Clinker wa kiwi kiwi ki mar wa mih napoh ki karkhana.
I em kini ki truck 18 chaka wa pynemkaam kini ki karkhana ktah ko ym du ya ki tre truck wa em cha ka thaiñ yong i kamjooh leh pynjoor ko yei sahkut ki kari, ki accident neibhah kini ki truck man ki kiwa jrong hadooh kattæ kattæ wei ym pu yahap u lai ki kam cha u sarok wa em cha i uwa khian kamjooh uwa dong bha.
Kini karhana pynemkaam ki ym du ya kini ki 18 chaka da pyllai ki leh kamjooh ya ki truck 12 chaka. Ini pynyoo wa ki ym em de i thmu ha ki yow pynemkaam ki ya ki truck wa em cha i iwa pyndooh nong chiboon ya ki bru yong ka ri-loom Jaiñtia.
Kamtæ ka seiñ da khut lang ko ya waroh ki tre truck u emlang ha katai ka yalang ha ka 16 tarik. Kani toh katkam ka khubor wa da pynmih da u General Secretary ka seiñ u ma E.D. Pasi
Discussion about this post